內地「限娘令」︳溫兆倫靠樣走紅曾被封師奶殺手 棧戀過去踩時下偶像：分不清男女

現年57歲嘅溫兆倫十幾年前就開始北上發展，為咗保持人氣經常都會喺抖音分享短片，仲不時開Live同網民互動。唔少人都批評佢誇張同發福兼髮線後移，狠批其外形似大媽，不過近日一次開Live感覺佢狀態回勇不少，而佢嘅言論仲引起大家討論。

同場加映：雙生陌生人︳馬德鐘望有分身幫手拍戲減壓 從不強求父子檔：等佢自己諗

{{hket:ul-video id="5763"}}{{/hket:ul-video}}

{{hket:inline-image name="b64dcded-605c-4507-bd26-03bf688e1357.jpg"}}{{/hket:inline-image}}

下定決心減肥嘅溫兆倫成功收身，日前喺家中開Live，身穿黑色T裇出鏡嘅佢配上清爽短髮，整體感覺後生咗唔少，佢對住鏡頭自信咁講：「你們總說我老了，你們誰敢和我連線比一比，我57歲的人，保持成這樣很不錯了。」自信爆棚嘅佢更自認靚仔過「小鮮肉」，妙語如珠︰「我年輕的時候比現在這些小鮮肉強多了，他們都擦太多化妝品了，分不清男女，不知道你們喜歡甚麼。」唔少網民都留言表示支持，認為男人應該要有陽剛之氣，表示︰「中國都推「限娘令」，男人剛陽才是正常。」不過都有人認為佢已經過氣，唔明白時下年輕人喜好，亦有「性別定型」嘅偏見。

當年憑着靚仔外形迅速走紅嘅溫兆倫曾被外界封為「師奶殺手」，《義不容情》中嘅丁有康、《我本善良》中嘅齊浩男、《今生無悔》中嘅高天俊等角色都演繹得入型入格。現實世界嘅溫兆倫桃花極旺，感情生活十分精彩，除咗經歷兩段婚姻之外，仲同郭羡妮拍拖，與陳梅馨分手時更加係擘晒面成為一時熱話，令佢「師奶殺手」變渣男。直至2013年佢與細20年的內地女星趙庭結婚，兩人育有一女，溫兆倫不時喺社交平台分享溫馨家庭生活，情場浪子「長出」雙腳。

撰文：黃蘊姿